Juventusi mposht Genoan, zona Champions 1 pikë larg për bardhezinjtë

Futboll Bota | 7 muaj më parë

Juventusi shfrytëzoi hapat fals të kundërshtarëve në garën për Ligën e Kampionëve, mposhti 2-0 në shtëpi Genoan dhe tashmë është vetëm 1 pikë larg vendit të katërt në renditje.

Të besuarit e Spallettit morën kontrollin pas vetëm katër minutave lojë: Bremer gjeti golin e parë nga një goditje këndi, duke e çuar rezultatin 1-0. Ligurianët u përpoqën të reagonin, por në minutën e 17-të McKennie dyfishoi epërsinë.

Në fillim të pjesës së dytë, McKennie iu afrua përsëri shënimit, ashtu si edhe David, i cili goditi shtyllën. De Rossi futi Baldanzi në vend të Messias dhe kuqeblutë u rigjallëruan. Në minutën e 74-të, një penallti u akordua për miqtë, por gjuajtja e Martin u prit nga Di Gregorio.

Juventusi fitoi 2-0 dhe u ngjit në kuotën e 57 pikëve, një pikë pas Comos së vendit të katërt dhe tre pikë përpara Romës. Genoa mbeti 33 pikë.

Juventusi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.