Kapet në flagrancë duke gjuajtur shpendë në fshatin Prush, arrestohet 35-vjeçari

Aktualitet | 1 vit më parë

Gjatë një patrullimi rutinë në zonën e liqenit të Prushit, shërbimet e Komisariatit të Policisë Nr. 6 kanë kapur në flagrancë një shtetas që po ushtronte gjueti të paligjshme, në kundërshtim me moratoriumin e vendosur për ndalimin e kësaj veprimtarie.

Personi i identifikuar si N. M., 35 vjeç, banues në fshatin Prush, u arrestua menjëherë pas konstatimit të veprës penale “Dëmtimi i specieve të vogla të florës dhe faunës së egër”. Policia sekuestroi gjithashtu armën e gjahut dhe municionin përkatës.

Kontrollet për parandalimin e gjuetisë së paligjshme vijojnë në gjithë territorin, ndërkohë që materialet procedurale në lidhje me këtë rast i janë referuar Prokurorisë së Tiranës për veprime të mëtejshme.

/rtsh.al/

arma

arrestimi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.