Java e 20-të e kampionatit të Kategorisë së Parë u mbyll me fitoret e Skënderbeut, Laçit, Pogradecit, Ilirisë, Burrelit dhe Kukësit.

Trajnerët e ekipeve Kombëtare të moshave kanë përzgjedhur formacionin dhe trajnerin më të mirë të javës, duke vlerësuar paraqitjet më të spikatura individuale.

Formacioni i javës është ndërtuar sipas skemës 1-4-3-3. Në portë është përzgjedhur Klevis Hasanbelli i Laçit.

Mbrojtja përbëhet nga Paolo Bianco i Burrelit, Kevi Mejdani i Kukësit, Adolf Selmani i Ilirisë dhe Kosta Vangjeli i Skënderbeut.

Në mesfushë janë Mateo Shanaj i Pogradecit, Donald Mëllugja i Burrelit dhe Sander Kalaj i Laçit.

Reparti i sulmit kompletohet nga Kristi Bespallov i Kukësit, Mohamed Fofana i Ilirisë dhe Renato Gjini i Skënderbeut.

Trajneri më i mirë i javës është vlerësuar Samuel Nikaj i Burrelit, për fitoren e rëndësishme të arritur në transfertë ndaj Lushnjes.

Kategoria e Parë vijon të konfirmojë nivel konkurrues dhe rivalitet të lartë, me futbollistë që spikasin javë pas jave.