Kategoria e Parë: Iliria-Laçi dhe Pogradeci-Lushnja në RTSH

Kategoria e Parë | 1 vit më parë

Sezoni i ri i Kampionatit të Kategorisë së Parë 2025-2026 nis të shtunën, më 23 gusht, në orën 17:00, ku do të luhen katër ndeshjet e para.

Luftëtari, që rikthehet në Kategorinë e Parë do të presë Korabin në Gjirokastër. Iliria do të përballet me Laçin, një ndeshje që do të transmetohet drejtpërdrejt në RTSH 2 në orën 17:00.

Kukësi do të presë në shtëpi Apoloninë, ndërsa Besa, një nga skuadrat favorite për tu ngjitur në elitë këtë sezon, do të luajë kundër Kastriotit. Sfida Skënderbeu-Burreli, që do të luhet në Korçë në orën 20:00 do të mbyllë ndeshjet e ditës së shtunë.

Java e parë e Kategorisë së Parë do të mbyllet të dielën me sfidën Pogradeci-Lushnja, që do të transmetohet drejtpërdrejt në RTSH Sport.

Kategoria e Parë

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.