Kërkon lirinë, shtyhet për në 23 prill seanca për Erjon Veliajn

Aktualitet | 2 vite më parë

Është shtyrë për në 23 prill seanca për Kryebashkiakun e Tiranës, Erion Veliaj.

Në seancën e sotme Gjykata e Posaçme e Apelit do të merrte në shqyrtim kërkesën për lirimin nga qelia të kryebashkiakut të Tiranës, Erion Veliaj, por avokatët e këtij të fundit kërkuan kohë të njiheshin me aktet.

Seanca e radhës do të mbahet më 23 prill në orën 09:30.

Veliaj ndodhet në paraburgim prej më shumë se dy muajsh në Durrës, i dyshuar për korrupsion pasiv dhe pastrim parash.

Veliaj ka kërkuar zëvendësimin ose revokimin e masës së sigurisë “arrest me burg”, të konfirmuar më herët nga Apeli më 12 shkurt.

Ndërkohë, avokatët e tij pritet ta çojnë çështjen edhe në Gjykatën e Lartë, ndërsa SPAK do të paraqesë para gjykatës dhe informacionet mbi ecurinë e hetimeve dymujore ndaj Veliajt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.