“Kitarat e Korçës”, 40 kitaristë në një mbrëmje me serenata e atmosferë festash

Aktualitet | 10 muaj më parë

Pedonalja e qytetit të Korçës u mbush me tingujt e ngrohtë të kitarave, duke rikthyer një nga traditat më të bukura të qytetit, këndimin e serenatave korçare.

Koncerti “Kitarat e Korçës” i drejtuar nga Nuçiel Doko erdhi si një homazh për trashëgiminë muzikore të dikurshme, kur kitarat shoqëronin netët festive dhe këngët e zemrës këndoheshin në çdo cep të qytetit.

Mbrëmja u pasurua edhe nga performanca e Korit të të Rinjve “Zë+”, i cili interpretoi karola tradicionale të Krishtlindjes nën drejtimin e Bledi Polenës.

Koncerti u ndoq me interes të madh nga qytetarë dhe vizitorë të shumtë.

“Kitarat e Korçës” jo vetëm që solli festën më pranë njerëzve, por edhe ringjalli një traditë të çmuar, duke dëshmuar se muzika mbetet një nga pasuritë më të bukura të qytetit.

/rtsh.al/

kitariste

korce

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.