Shqip
English
Français
Deutsch
Ελληνικά
Italiano
Srpski
TürkçeKonflikt mes disa personave në Fier, ndërhyjnë forcat “Shqiponja”, dyshohet se nisi pas debatit për parkimin
Një konflikt i nisur pas një debati për parkimin ka rrezikuar të përshkallëzohej në Fier, por ndërhyrja e shpejtë e Policisë ka bërë të mundur neutralizimin e situatës.
Ngjarja ka nisur në një prej lagjeve të qytetit, ku dyshohet se një debat mes dy palëve lidhur me parkimin ka marrë përmasa më të mëdha. Situata ka vijuar më pas në rrugë, duke bërë që të ndërhynin shërbimet e Policisë.
Pas marrjes së njoftimit, forcat “Shqiponja” dhe shërbimet e rendit janë vënë menjëherë në lëvizje. Efektivët kanë lokalizuar automjetin me të cilin po lëviznin personat e përfshirë në konflikt dhe kanë bërë të mundur ndalimin e tij në qendër të Fierit.
Personat janë shoqëruar në Drejtorinë Vendore të Policisë Fier, ku po kryhen veprimet e mëtejshme procedurale për të sqaruar rrethanat dhe dinamikën e plotë të ngjarjes.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
