Kukësi mbijeton në Kategorinë e Parë

Futboll Vendi | 2 vite më parë

Kukësi ia ka dal të qëndrojë në Kategorinë e Parë pas fitores me shifrat 1-0 kundër Orikut në fazën play-aut. Verilindorët i falen golit të shënuar nga Redon Danaj me penallti.

Kukësi vuan por ia del të qëndrojë në Kategorinë e Parë. Verilindorët mposhten me shifrat 1-0 Orikun në takimin e fazës play aut të luajtur në stadiumin “Arena e Demave”. Heroi i takimit për ekipin e drejtuar nga Fatjon Tafaj rezultoi Redon Danaj që ktheu në gol një penallti në pjesën e parë për të shpëtuar një sezon të vështirë.

Oriku edhe pse zhvilloi një sezon pozitiv në Kategorinë e Dytë në Grupin B nuk ia doli të ngjitej në Kategorinë e Parë. Në optikën e trajnerit Sherif Idrizaj skuadra e tij dhuroi gjithçka duke dominuar Kukësin por që nuk mundi ta dërgonte topin në rrjetë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.