Në një intervistë për CNN, presidenti i Barcelonës, Joan Laporta, përsëriti ambicien e klubit katalanas. Ndërsa vlerësoi sezonin e jashtëzakonshëm të Paris Saint-Germain, lideri i “Blaugranave” shprehu dëshirën e tij për ta parë klubin e tij të përballet me parisienët, ndoshta në finalen e Ligës së Kampionëve.

“Mendoj se ka dy ekipe mbi ne. PSG ishte shumë e mirë vitin e kaluar, në Ligën e Kampionëve dhe Ligue 1, dhe luajti futboll të shkëlqyer. Ata kanë një trajner të shkëlqyer, lojtarë të shkëlqyer dhe janë një ekip i shkëlqyer. Fatkeqësisht, nuk ishim në gjendje të luanim kundër tyre. Është një ndeshje që bota e futbollit e ka pritur me padurim; ne ishim dy ekipet më konkurruese dhe në formë të mirë sezonin e kaluar. Shpresoj se mund të luajmë kundër tyre këtë sezon për të parë se kush është ekipi më i mirë.

Të gjithë ata që e duan futbollin thonë se vitin e kaluar PSG dhe Barça luajtën futbollin më të mirë në botë. Ne nuk mundëm të luanim Kupën e Botës për Klube ose finalen e Ligës së Kampionëve kundër tyre, por ndoshta me formatin e ri të Ligës së Kampionëve kjo do të ndodhë.  Jam i sigurt se edhe Ceferin do të donte ta shihte këtë përplasje dhe se ne do të kemi mundësinë ta shohim këtë sezon”, ka thene mes të tjerash Laporta.