Lazio, trajneri i ri është Gennaro Gattuso

Futboll Bota | 5 muaj më parë

Gennaro Gattuso, ish-trajneri i kombëtares italiane, ka gati një kontratë dyvjeçare për të zëvendësuar Maurizio Sarrin, i cili pritet të marrë drejtimin e Atalantës. Pasi përfundoi në vendin e nëntë dhe humbi finalen e Kupës së Italisë ndaj Interit, bardhekaltërit i kanë vënë syrin Rinos. Një takim i ri është planifikuar për ditët në vijim për të finalizuar detajet përfundimtare, por marrëveshja tashmë është arritur.

Nga ana tjetër, Maurizio Sarri do të zëvendësojë Raffaele Palladinon, i cili ka udhëhequr zikaltërit që nga nëntori (kur zëvendësoi Ivan Juric), duke i ndihmuar ata të përfundojnë në vendin e shtatë dhe të kualifikohen për Ligën e Konferencës. Sarri është gati t’i japë fund kohës së tij te Lazio, e tëra që mungon është nënshkrimi me Atalantën.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.