Një bebe me peshë 6.150 gr erdhi në jetë një ditë më parë në maternitetin “Mbretëresha Geraldinë” në Tiranë.

Në një lidhje me Skype me studion e emisionit “Jetë Shqiptare” në RTSh 1, mjekja specializante Ersilda Dedja u shpreh se në evidencat botërore, fëmijë me peshën më të madhe që janë pritur në rrugë natyrale ka qenë para 1 viti në Kanada, ka qenë një bebe me peshën 6.8 kilogramë.

Dedja tha gjithashtu se bebja e lindur është ndër bebet më të mëdhenj që ka lindur në maternitetin “Mbretëresha Gerdalinë”. Mjekja theksoi se foshnja ishte një djalë i cili ka lindur pas tre vajzave.

“Në evidencat botërore, fëmijë me peshën më të madhe që janë pritur në rruge natyrale ka qenë para 1 viti në Kanada, ka qenë një bebe me peshën 6.8 kilogramë. Ndërsa bebi më i madh i regjistruar deri më  sot është një bebe me peshë rreth 10 kile i cili është dhe në Rekordet Guinness. Por në Shqipëri në vitet që ne jemi pjesë e maternitetit “Mbretëresha Gerdalinë” është ndër bebet më të mëdhenj dhe bebja është një djalë pas tre vajzave”, u shpreh mjekja specializante Ersilda Dedja.

/rtsh.al/