Liverpool, kampion pa luajtur? Van Dijk: Mund ta gjejmë duke parë Arsenalin

Futboll Bota | 2 vite më parë

Falë golit të Trent Alexander-Arnold, Liverpool mundi Leicesterin duke e dënuar me rënie në Championship dhe tani mund të fitojë titullin e Premier Ligës që të mërkurën, nëse Arsenali humbet në shtëpi ndaj Crystal Palace, përndryshe festimet do të shtyhen deri të dielën, kur një fitore kundër Tottenhamit do të mjaftonte për të mos bërë më shumë përllogaritje.

Siç raporton The Guardian, kapiteni Virgil Van Dijk foli për këtë mundësi, duke mos përjashtuar që skuadra të mund të takohej për të parë sfidën e Gunners, për të festuar në rast se ata do të humbnin në Emirates Stadium.

“Unë pres që Arsenali të fitojë në shtëpi”. tha ai, “por, nëse kjo nuk ndodh, mendoj se do të ishte mirë të ishim bashkë dhe të shikonim ndeshjen. Pra, çfarëdo që të ndodhë, ne do ta diskutojmë atë në ditët në vijim”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.