“Lojtari më i mirë i ndeshjes”, Berisha: Një fitore që peshon shumë

Futboll Bota | 11 muaj më parë

Leçe-Torino 2-1 ishte një tjetër performancë e shkëlqyer nga Medon Berisha. Lojtari, i vlerësuar me notën 7.5, i udhëhoqi verdhekuqtë drejt tre pikëve të para në shtëpi në këtë ndeshje.

“Një ndeshje shumë e rëndësishme, e meritonim. Fitorja peshon shumë. A ishte Falcone vendimtar? Shumë. Duhet ta falënderoj; ai na shpëtoi javën”, tha mesfushori shqiptar pas ndeshjes.

Mesfusha i dha shumë cilësi formacionit të verdhekuqve: “Unë kontribuova në ekip, por edhe Coulibaly dhe Ramadani ndihmuan.”

Mesfushori shqiptar i Leçes, u shpall “Lojtari më i mirë i ndeshjes”. Ky ishte çmimi i tretë personal gjatë këtij sezoni për Medon Berishën, që tashmë është kthyer në një nga liderët e mesfushës së skuadrës italiane.

Medon Berisha

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.