Mali i Zi goditet nga stuhia e fortë, 2 persona humbin jetën

Rajon | 2 vite më parë

Dy persona kanë humbur jetën në Malin e Zi, pasi një stuhi e fortë e shoqëruar me reshje të dendura shiu ka goditur vendin fqinj. Një shtetas turk humbi jetën në një kantier ndërtimi si pasojë e stuhisë së fortë. Gjithashtu, një tjetër humbi jetën në kantierin e fushës së golfit në Lushticë.

Tivati u godit nga një stuhi e fortë, ku era ka shkulur pemë dhe disa makina janë dëmtuar. Nga stuhia janë dëmtuar edhe disa mjete lundruese në portin e Tivarit.

Sipas të dhënave nga stacioni meteorologjik i Barit, në momentin e stuhisë, fuqia e erës arriti në 200 kilometra në orë.

Përveç kësaj, stuhia rrëzoi tre vinça në port dhe theu urat e transportit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.