Masters 1000 Shanghai 2025/ Trupi tradhëton Djokoviç, i cili eliminohet nga numri 204 i botës

Evente Sportive | 1 vit më parë

Novak Djokoviç ishte i rraskapitur në Rolex Masters 1000 në Shanghai. Pas një jave me disa fitore dhe disa dëmtime të vogla fizike 38 vjeçari, numri 5 në renditjen “ATP”, u dorëzua përballë monegaskut Valentin Vacherot.

Ecuria pozitive e tenistit serb u ndal në gjysmëfinale të turneut Master 1000 edhe pse përballë kishte tenistin, i cili rendetej i 204 në renditjen botërore.

“Nole” u mund në dy sete (6-3, 6-4) nga Vacherot, i cili shrytëzoi në maksimum avantazhin që i krijuan problemet fizike të rivalit.

Monegasku, i cili nisi turneun nga faza e eliminatoreve, do të ketë një shans të artë për të fituar “Masters 1000” në finalen e parë të karrierës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.