Eksperti gjerman i arbitrimit, Frank Willenborg është i mendimit se Lionel Messi nuk duhej që të kishte përfunduar ndeshjen e mbrëmshme përballë Algjerisë.

Sipas ekspertit të njohur, sulmuesi argjentinas me ndërhyrjen që bëri në dëm të Aissa Mandi duhej që të ishte ndëshkuar me kartonin e kuq nga Szymon Marciniak.

“Një arbitër për të akorduar një karton të kuq duhet që të vlerësojë mirë situatën dhe zakonisht janë tri kritere që duhen plotësuar që një lojtar të ndëshkohet maksimalisht. Sa shanse ka lojtari të fitojë topin? Intensiteti i kontaktit dhe lloji i tij. Në rastin e Messi-t mendoj se dy kritere përmbushen plotësisht. Messi nuk kishte shans që të kapte topin pasi sfera zotërohej nga rivali. Gjithashtu Messi dëmtoi lojtarin kundërshtar duke i vendosur takat në një pozicion të pazakontë, mund ta kishte dëmtuar”, arsyetoi Willenborg. A.V.