Mirko Vucinic, trajneri i ri i Malit të Zi

Futboll Bota | 1 vit më parë

Mirko Vucinic është trajneri i ri i skuadrës përfaqësuese të Malit të Zi. Kjo është përvoja e parë si trajner për ish-lojtarin e Juventusit.

Ish-sulmuesi i njohur do të drejtojë Malin e Zi, ku shërbeu si anëtar i stafit të trajnerëve në vitin 2022.

Njoftimi zyrtar u bë në kanalet sociale të ekipit kombëtar të Malit të Zi: “Një rol i ri, ndërsa përpiqemi të ndërtojmë një brez të ri. Kapiteni ynë i parë, lojtari ynë i gjithanshëm, trajneri ynë, Mirko Vucinic ynë.”

41-vjeçari spikati gjatë karrierës së tij si futbollist me fanellën e Leçes, Romës dhe Juventusit në kampionatin italian. Vucinic ka luajtur 46 ndeshje me kombëtaren malazeze dhe ka shënuar 17 gola.

Mirko Vucinic

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.