Mjafton Lautaro, Interi largohet me 3 pikë nga Udine

Futboll Bota | 10 muaj më parë

Një gol i kapitenit Lautaro Martinez i mjafton Interit që të mposhtë 1-0 Udinesen në transfertë dhe të ruajë vendin e parë në renditjen e Serie A. Pas këtij suksesi, zikaltërit ngjiten në kuotën e 49 pikëve në klasifikim, 6 më shumë se rivalët e Milanit, që do të luajnë nesër kundër Leçes.

Zikaltërit dominojnë ndeshjen. Lautaro pati një shans në fillim të takimit dhe Dimarco kërcënoi gjithashtu, duke qenë pranë shënimit. Në minutën e 20-të, kapiteni kalon Interin në avantazh pas një asisti nga Pio Esposito. Dimarco shënon në pjesën e dytë, por goli i tij anulohet.

Interi merr fitoren e dytë radhazi në kampionat dhe tashmë skuadra e Chivu pret me qetësi sfidën kundër Arsenalit në Champions League.

Interi

Lautaro

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.