Muriqi rikthehet në Turqi, kandidati për president i Fenerbahçes ka akord total me “Piratin”

Rajoni | 5 muaj më parë

Vedat Muriqi do të rikthehet në Turqi te një skuadër që ai e njeh shumë mirë. Në Turqi janë të bindur se “Pirati” është blerja e madhe e presidentit të ardhshëm të Fenerbahçes.

Sipas gazetarit turk Yagiz Sabuncuoglu ka akord total mes sulmuesit të Real Mallorca dhe Aziz Yildrim, i cili pritet që të zgjidhet si president i Fenerbahçes në zgjedhjet e muajit qershor.

Mallorca pret e qetë pasi është e sigurt se do të arkëtojë një shifër të rëndësishme nga ky transferim. Në një moment të parë u mendua se klubi do të hiqte dorë nga Muriqi vetëm për 18 milionë euro, por duke parë se dëshira e sulmuesit për t’u larguar nga Spanja është e fortë atëherë palët do të ulen për të rishikuar këtë shifër.

Muriqi nuk është një lojtar i panjohur për klubin turk, pasi ka milituar për verdhezinjtë edhe në sezionin 2019/2020.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.