Një ngjarje e pazakontë dhe e rrezikshme ka ndodhur në Tiranë, ku një i mitur rreth 14 vjeç, së bashku me bashkëmoshatarin e tij pasagjer, ka qenë në drejtimin e një automjeti.

Sipas informacioneve paraprake, ata dyshohet se kanë goditur disa automjete gjatë lëvizjes, çka ka bërë që të ndiqen nga patrullat e policisë së rendit dhe asaj rrugore në disa zona të ndryshme të qytetit.

Gjatë ndjekjes, drejtuesi i mjetit ka përplasur një automjet të forcave “Shqiponja” dhe më pas një tjetër mjet policie, duke shkaktuar plagosjen e dy efektivëve, të cilët janë transportuar për ndihmë mjekësore.

Pas ngjarjes, autori është larguar drejt banesës së tij dhe më pas është dorëzuar në komisariat. Forcat “Shqiponja” kanë gjetur dhe mjetin tip “Golf” që goditi automjetet, në lagjen Partizani.

Policia po vijon hetimet për zbardhjen e plotë të rrethanave të kësaj ngjarjeje.

/rtsh.al/