Ngjarje e rëndë në Lezhë, 57-vjeçari gjendet i vrarë brenda në makinë

Aktualitet | 1 vit më parë

Një ngjarje e rëndë ka ndodhur në orët e para të kësaj të diele (1 qershor) në Tale të Lezhës, ku në rrethana ende të paqarta, është gjendur i vrarë me armë zjarri shtetasi P. K., rreth 57 vjeç, banues në Tale.

Mësohet se familjarët e gjetën trupin e tij brenda mjetit të tij, ku ishte qëlluar me armë zjarri. Ngjarja ka ndodhur para banesës së tij, në kohën që shtetasi P. K., po kthehej me automjetin e tij.

Në vendngjarje kanë mbërritur shërbimet e Policisë vendore të mbështetura nga Forca Kombëtare e Sigurisë, Njësia Shkodër.

Ndërkohë është ngritur një grup i posaçëm hetimor me qëllim zbardhjen e ngjarjes, identifikimin dhe kapjen e autorit.

Policia vendore nisi hetimet dhe bëri me dije se dinamika dhe rrethanat mbeten ende të paqarta, teksa ka edhe disa pista hetimi.

/rtsh.al/

krim

lezhë

viktima

vrasje

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.