Nisin aplikimet për subvencionimet në bujqësi, këtë vit mbështetje edhe për gjedhët

Ekonomi | 2 vite më parë

Ashtu si në të gjithë vendin, edhe në Lushnjë ka nisur aplikimi për skemat mbështetëse në bujqësi.

Edhe pse ky aplikim bëhet nga interneti, në ditën e parë të procesit shumë fermerë janë paraqitur në zyrat e Agjencisë Rajonale të Bujqësisë, si dhe tek Agropika ose “Dritarja e Fermerit”.

Shumica prej tyre aplikojnë për të disatën herë, kryesisht në skemën e naftës për bujqësinë.

Në lidhje me dokumentacionin e këtij viti, fermerët duhet të kenë edhe fragmente të hartës, si edhe faturë të pesticideve apo farërave të blera, me qëllim që të vërtetohet se fermeri e punon tokën.

Aplikimet për të përfituar nga skema e subvencioneve zgjasin deri më 30 maj 2025.

Për herë të parë në skemë është edhe mbështetja jo vetëm për çdo krerë lopë, por edhe për viçat.

/rtsh.al/

Agjencia për Zhvillim Bujqësor dhe Rural

Agropika

Dritarja e Fermerit

Subvencionet në bujqësi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.