Një tjetër futbollist i Vorës transferohet në Ukrainë

Abissnet Superiore | 4 muaj më parë

Pas Irgi Kasallës një tjetër futbollist i Vorës transferohet në Ukrainë. Serjan Repaj do të vazhdojë karrierën e tij tek Epitsentr Kamianets, skuadër që militon në elitën e futbollit ukrainas.

Me anë të një njoftimi në rrjetet sociale Vora ka zyrtarizuar largimin e 25-vjeçarit, që u aktivizua në 33 ndeshje sezonin e kaluar me skuadrën e drejtuar nga Bellai.

“Futboll Klub Vora konfirmon largimin e Serjan Repaj, i cili do të vazhdojë karrierën e tij te FC Epitsentr Kamianets.

Gjatë kohës së tij me fanellën e Vorës, Serjani dha një kontribut të rëndësishëm për klubin, duke treguar përkushtim, profesionalizëm dhe karakter si brenda ashtu edhe jashtë fushës.

Klubi i uron Serjanit suksese në aventurën e re dhe në vazhdimin e karrierës së tij”, shkruhet në njoftimin e klubit.

Serjan Repaj

vora

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.