Ushtria izraelite njoftoi për nisjen e një ofensivë të re tokësore në lindje të Qytetit të Gazas më 4 prill, me qëllim që të zgjerojë zonë e sigurisë që ka krijuar brenda enklavës palestineze. “Trupat kanë eliminuar një numër të terroristëve dhe kanë shkatërruar infrastrukturë të Hamasit, përfshirë një qendër komanduese që terroristët e Hamasit përdornin për të planifikuar dhe kryer sulme terroriste”, u tha në njoftimin e ushtrisë.

Izraeli tha se civilët do të lejohen të evakuohen nga zonat e luftimeve përmes “rrugëve të organizuara për sigurinë e tyre”. Por ndërkohë si pasojë e bombardimeve izraelite në 24 orët e fundit u vranë 44 palestinezë, mbi gjysma e tyre fëmijë të cilët ishin strehuar në dy shkolla që strehonin banorët e zhvendosur. 

Sulmet ishin të fundit në ofensivën e rifilluar izraelite ka vrarë më shumë se 1.160 viktima dhe ka plagosur mbi 2.700 që nga 18 marsi, duke shkelur armëpushimin e janarit dhe marrëveshjen e shkëmbimit të të burgosurve midis Izraelit dhe grupit të Hamas.

Izraeli i cili prishi armëpushimin njoftoi se do të vepronte me “forcë ushtarake në rritje” kundër Hamasit me arsyetimin se ka refuzuar propozimet e reja të tij për armëpushim. Hamasi deklaroi se “Izraeli nuk i zbatoi premtimet e tij dhe duke mos përmbushur përgjegjësitë rifilloi gjenocidin kundër popullit palestinez në Rripin e Gazës në prani të vendeve ndërmjetësuese të armëpushimit”.

Gjithsej, mbi 50.500 palestinezë, kryesisht gra dhe fëmijë, janë vrarë në sulmet brutale izraelite në Rripin e Gazës që nga tetori i vitit 2023. Gjatë sulmit të 7 tetorit 2023, Hamasi vrau afër 1.200 persona dhe rrëmbeu afër 250 të tjerë.

/rtsh.al/