Presidentja e Kosovës, Vjosa Osmani, ka reaguar në rrjetin social “X” mbi situatën e rëndë në Gaza, duke theksuar se fëmijët nuk nisin luftëra, por janë ata që vuajnë më shumë pasojat e tyre.

Ajo e ka cilësuar katastrofën humanitare në Gaza si zemërthyese, duke bërë thirrje për ndalimin e vuajtjes së civilëve të pafajshëm, veçanërisht fëmijëve.

“Katastrofa humanitare në Gaza dhe vuajtjet e civilëve të pafajshëm, veçanërisht fëmijëve, është zemërthyes dhe duhet të marrë fund. Çdo fëmijë, çdo familje, pavarësisht kombësisë apo fesë, është e çmuar dhe duhet të mbrohet.”, ka shkruar Osmani.

Presidentja vuri në dukje se çdo jetë njerëzore është e çmuar, pavarësisht kombësisë apo fesë, dhe se mbrojtja e fëmijëve dhe familjeve duhet të jetë prioritet për të gjithë aktorët ndërkombëtarë.

Osmani ka shprehur mbështetjen e plotë për përpjekjet për armëpushim të ndërmjetësuara nga SHBA, Katari dhe Egjipti, si dhe për lirimin e menjëhershëm të pengjeve. Ajo theksoi nevojën urgjente për të garantuar akses në ushqim, ujë dhe ilaçe për më të cenueshmit.

““Kosova vazhdon të mbështesë përpjekjet ndërkombëtare për një të ardhme të drejtë, të qëndrueshme dhe paqësore për të dy popujt, izraelitët dhe palestinezët në dinjitet, siguri dhe respekt të ndërsjellë,” u shpreh Osmani, duke shtuar se çdo përpjekje duhet të bëhet për të parandaluar humbjen e mëtejshme të jetëve të pafajshme.”

Children never start wars! But they’re the ones who suffer most and bear the largest consequences of any conflict.

The humanitarian catastrophe in Gaza and the suffering of innocent civilians, especially children, is heartbreaking and must end. Every child, every family,…

— Vjosa Osmani (@VjosaOsmaniPRKS) July 28, 2025

/rtsh.al/