Panairi i Poçarisë në Korçë, një traditë e përvitshme që mbledh artizanë e vizitorë

Kulturë | 2 vite më parë

Në prag të festës së Pashkës, përpara Katedrales Ortodokse në Korçë është çelur edicioni i radhës i Panairit të Poçarisë, një traditë tashmë e konsoliduar, që mbledh artizanë, qytetarë dhe vizitorë të shumtë.

Me dhjetëra stenda janë ngritur para sheshit të kadetrales, ku ekspozohen punime të ndryshme poçarie dhe jo vetëm.

Ky panair sjell në vëmendje mjeshtërinë e poçarëve korçarë dhe frymën festive që shoqëron këtë periudhë të shenjtë për besimtarët ortodoksë.

Vizitorët ndalen për të parë, por edhe për të blerë një enë prej balte si simbol mbarësie.

Kjo traditë e hershme në qytetin e Korçës nxjerr në pah punën dhe seriozitetin e artizanëve korçarë, të cilët ekspozojnë prej vitesh produktet e tyre, duke tërhequr interesin e qytetarëve, por edhe të turistëve që vizitojnë Korçën në këto ditë festive.

Gazetare: Eftjola Fili

/rtsh.al/

Katedralja Ortodokse ne Korce

korce

Panairi i Pocarise

Pashka

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.