Parlamenti i Ukrainës ka zgjatur ligjin ushtarak deri në gusht, thanë ligjvënësit, duke shtyrë afatin e zgjedhjeve të reja që u kërkuan nga Shtetet e Bashkuara dhe Rusia.

Ndërsa lufta me Rusinë po vazhdon, një shumicë dërrmuese prej 357 deputetësh të mërkurën mbështetën zgjatjen, raporton Reuters.

Ai i lejon vendit të vazhdojë mobilizimin e trupave dhe pezullon ciklin zgjedhor.

Presidenti Volodymyr Zelensky është përballur me presionin për të mbajtur zgjedhje nga presidenti i SHBA-ve, Donald Trump, i cili e quajti atë një diktator – kritika që bëri që ukrainasit të mblidheshin rreth Zelensky-it dhe rritën pëlqyeshmërinë e tij.

Presidenti rus Vladimir Putin ka vënë vazhdimisht në dyshim legjitimitetin e Zelensky-it pas përfundimit të mandatit të tij në vitin 2024.

Por në përputhje me legjislacionin ukrainas, zgjedhjet janë të pamundura gjatë gjendjes ushtarake.

/rtsh.al/