Peshkim për rekord në Vlorë, peshkatari kap me shtizë gofin 27 kg pas 30 minutash përballje nën ujë

Sociale | 4 muaj më parë

Një peshk gof me përmasa të rralla është kapur paraditen e sotme në ujërat e Vlorës nga peshkatari me shtizë Armando File.

Peshku, me një peshë prej rreth 27 kilogramësh, u kap në zonën e njohur si Spitaliera, pranë Radhimës, afër anijes italiane të mbytur. 50-vjeçari ishte duke u zhytur kur u përball me një tufë peshqish gof dhe arriti të godiste njërin prej tyre me shtizë.

Sipas peshkatarit, nxjerrja e peshkut në sipërfaqe nuk ishte aspak e lehtë. Për shkak të përmasave dhe forcës së tij, atij iu deshën më shumë se 30 minuta përpjekje për ta nxjerrë nga thellësia e detit.

Pas kapjes, peshku u transportua në qendrën e peshkimit në Radhimë, ku tërhoqi vëmendjen për madhësinë e pazakontë.

Kjo nuk është hera e parë që Armando File bëhet i njohur për kapje të tilla. Pak kohë më parë, ai tërhoqi vëmendjen në rrjetet sociale pasi publikoi pamjet e një tjetër gofi gjigant të kapur në zonën e Lungomares në Vlorë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.