Cleveland kanë dhuruar surprizën e radhës në play-off NBA duke mundur ekipin e Detroit në finalen e shtatë me shifrat 125-94, në takimin që vlente një biletë në finalet e Konferencës së Lindjes.

Në këtë duel Cleveland, e cila përballej me ekipin që dominoi konferencën gjatë sezonit të rregullt, arriti që të dërgonte plot katër lojtarë me mbi 20 pikë.

Donovan Mitchell (26 pikë dhe 8 asist), Jarrett Allen (23 pikë dhe 7 topa në tabelë), Evan Mobley (21 pikë, 12 topa në tabelë, 6 asist) dhe Sam Merrill (23 pikë) eklipsuan Cade Cunningham, i cili është lideri i padiskutueshëm i ekipit. Ndeshjen e fundit ai e mbylli me vetëm 13 pikë dhe 5 asist. Detroit nuk mundi që të kthehej në finalet e konferencës, të cilat mungojnë prej 2008-ës, edhe për shkak të paraqitjes së dobët të Jalen Duren, autor i 7 pikëve dhe 9 topave në tabelë. Për Cavs pengesa e radhës janë Knicks. Ekipi nga Cleveland rikthehet në finalet e konferencës ku për herë të fundit ishin në 2018-ën.