Porositi mbi 4.6 kg kanabis me THC të lartë me postë nga SHBA, arrestohet 20-vjeçari në Tiranë

Aktualitet | 2 muaj më parë

Një 20-vjeçar është arrestuar në Tiranë pasi dyshohet se kishte porositur nga Shtetet e Bashkuara një pako me mbi 4.6 kilogramë Cannabis me përqindje të lartë THC, me qëllim shitjen e saj në Shqipëri.

Gjatë hetimit, policia identifikoi si porositës të pakos shtetasin D. S., 20 vjeç, banues në Bathore. Pakoja, e dyshuar se ishte trafikuar nga SHBA-ja, përmbante 8 paketime me lëndë narkotike Cannabis, me peshë totale 4 kg e 641 gramë.

Lënda narkotike u sekuestrua dhe u administrua si provë materiale, ndërsa 20-vjeçari u vu në pranga gjatë veprimeve procedurale.

Hetimet vijojnë për të zbardhur të gjithë skemën e trafikimit dhe për të identifikuar persona të tjerë që mund të jenë të përfshirë në këtë aktivitet kriminal.

Materialet i janë referuar Prokurorisë së Tiranës për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.