Presidenti i Iranit: Ndërmjetësimi duhet të drejtohet nga ata që ndezën konfliktin

Botë | 8 muaj më parë

Presidenti i Iran, Masoud Pezeshkian, deklaroi se çdo përpjekje ndërmjetësimi për uljen e tensioneve duhet të drejtohet ndaj vendeve që, sipas tij, e kanë përshkallëzuar konfliktin dhe kanë nënvlerësuar popullin iranian.

Në një postim në rrjetet sociale, ai theksoi se disa vende kanë nisur përpjekje për ndërmjetësim, por Irani mbetet i vendosur të mbrojë interesat e tij.

“Disa vende kanë filluar përpjekjet e ndërmjetësimit. Le të jemi të qartë: ne jemi të përkushtuar për paqe të qëndrueshme në rajon, por nuk hezitojmë të mbrojmë dinjitetin dhe sovranitetin e kombit tonë”, u shpreh ai.

Pezeshkian shtoi se ndërmjetësimi duhet të drejtohet ndaj atyre që “e nënvlerësuan popullin iranian dhe e ndezën këtë konflikt”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.