Një në tetë fëmijë ka probleme me shikimin. Në këtë përfundim kanë dalë mjekët pas kontrollit të deritanishëm në 19.500  nxënësve të shkollave të Tiranës, Kamzës  dhe Vorës, por me një dallim shumë  thelbësor mes zonave.

Fëmijët në zonat periferike i kanë sytë më të shëndetshëm se fëmijët e kryeqytetit.

“Ajo që kemi konstatuar për fat të keq është së fëmijët e shkollave të kryeqytetit kanë më shumë probleme në shikim se fëmijët e shkollave në zonat periferike. Kështu në një klasë me 33 nxënës në zonat rurale, dalin 1-3 fëmijë me probleme në shikim ,ndërsa në zonat urbane në një klasë të tillë ka mbi 10-15 fëmijë me probleme .Fëmijët në zonat rurale dhe periferike qëndrojnë më gjatë jashtë duke luajtur në natyrë dhe hapësira të gjelbra, ndryshe nga fëmijët në zonat urbane të cilët qëndrojnë të mbyllur dhe larg dritës natyrale“, u shpreh mjekja e shkollë Brikena Limaj.

Mjekja tregon problemet e heshtura që janë kapur në shikimin e fëmijëve duke fajësuar për këtë  qëndrimin për orë të tëra para ekraneve

“Disa nga problemet janë miopia, syri dembel, distrofia e të tjera të cilat kanë ardhur si pasoje e qëndrimit të gjatë përpara ekraneve dhe teknologjisë”, shton ajo.

Simptomat sipas mjekëve nuk janë vështira për tu dalluar si nga prindërit ashtu edhe nga mësuesit.

“Shtrëngimi i syve, përpëlitja e qepallave, zgjatja e kokës përpara bankës për të kapur atë çfarë është shkruar në tabelë, nervozizmi e të tjera”, shton mjekja. 

Qëndrimi jashtë është ilaçi për sy të shëndetshëm.

Programi i kontrollit të shikimit në shkolla që po kryhet nga Ministria e shëndetësisë ka hyrë në vitin e tretë dhe sipas mjekëve  shumë nxënësve u është korrigjuar shikimi. Të dhënat do të edhe elektronikisht.

Nisma e ministrisë së shëndetësisë synon kapjen në kohë të problemeve tek fëmijët deri në moshën 14 vjeç.

Gazetare: Sonila Mlloja

/rtsh.al/