Protesta e opozitës/ Një protestues plagoset në kokë, merret me ambulancë

Aktualitet | 9 muaj më parë

Një protestues ka mbetur i plagosur gjatë përleshjeve dhe sulmit ndaj policisë. Siç shihet nga pamjet e siguruara nga gazetarët në terren, protestuesi është lënduar në kokë.

Menjëherë një ambulancë ka mbërritur në ndihmë të tij dhe protestuesi pasi ka marrë ndihmën e parë mjekësore është dërguar në spital për mjekim të mëtejshëm.

Pranë protestuesit dhe ambulancës ka qëndruar edhe deputeti i PD-së Besart Xhaferri.

Ndërkaq, Policia e Shtetit u ka bërë apel protestuesve të ndalojnë sulmin ndaj punonjësve të policisë që kanë marrë në mbrojtje institucionet teksa mbahet protesta e opozitës. Policia u ka kërkuar protestuesve të distancohen nga personat e dhunshëm.

Më herët, gjatë tubimit te Kryeministria disa punonjës policie janë dëmtuar nga sulmi me gurë dhe sende të forta dhe janë nën kujdesin e mjekëve për shkak të lëndimeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.