Analisti Sami Neza ka komentuar protestën e fundit të Partisë Demokratike, duke theksuar se demonstratat e opozitës duhet të trajtohen si një mekanizëm demokratik që synon përmirësimin e jetës së qytetarëve.

Në studion e emisionit “3D” në RTSH, ai u shpreh se protestat, pavarësisht numrit apo organizatorit, kanë pasur gjithmonë si objektiv adresimin e problematikave të qeverisjes.

 “Në të gjithë narrativen që ne ndërtojmë në lidhej me protesta e opozitës, duhet të ndërtojmë një raport etik me to, e kam fjalën në respektin dhe trajtimi e protestave si një avancim i agjendave të cilat në pjesën më të mirë kanë një produkt në favor të qytetarëve shqiptarë. Protestat, kushdo që i bën, në çfarëdolloj numri, që kanë në shënjestër qevrinë këto 10 vitet e fundit, gjithmonë kanë patur si qëllim diçka që kanë synuar të përmirësojnë jetën e qytetarëve shqiptarë”, tha Neza.

/rtsh.al/