Shembull qytetarie në Ksamil, qytetari gjen çantën me 17 mijë dollarë dhe e dorëzon në Polici

Aktualitet | 8 muaj më parë

Një shembull qytetarie është regjistruar ditën e djeshme në Ksamil, ku një qytetar ka gjetur dhe ka dorëzuar një çantë të humbur me dokumente personale dhe një shumë të konsiderueshme parash, plot 17 mijë dollarë, duke u bërë shembull i vlerave qytetare.

Menjëherë pas gjetjes, ai është paraqitur në Komisariatin e Policisë Sarandë për ta dorëzuar çantën. Brenda saj ndodheshin dokumentet personale të një shtetaseje ukrainase, së cilës sot iu kthyen të gjitha sendet dhe shuma e parave.

Policia e Sarandës reagoi duke bërë të mundur identifikimin dhe kontaktimin e pronares së çantës.

Policia e Shtetit ka falënderuar publikisht shtetasin R. Sh. për veprimin e tij, duke e cilësuar si një gjest që meriton të promovohet dhe të ndiqet nga të gjithë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.