Rama takim me Ligën Parlamentare të Miqësisë Japoni–Shqipëri: Rrisim kontaktet dhe shkëmbimet mes dy vendeve

Aktualitet | 5 muaj më parë

Kryeministri i Shqipërisë, Edi Rama, ka ndarë një postim në rrjetin social Facebook nga vizita e tij në Tokyo, ku ka zhvilluar një takim me Ligën Parlamentare të Miqësisë Japoni–Shqipëri.

Sipas Ramës, takimi është zhvilluar me përfaqësuesit e ligës të kryesuar nga Minoru Kiuchi, për të diskutuar mbi forcimin e marrëdhënieve dhe rritjen e bashkëpunimit mes Shqipërisë dhe Japonisë.

“Japoni, Tokyo – Takim me Ligën Parlamentare të Miqësisë Japoni–Shqipëri, të kryesuar nga Minoru Kiuchi, Ministër për Strategjinë e Rritjes së Japonisë, me mbështetjen e pakursyer të të cilit po punojmë me sukses për rritjen e kontakteve dhe shkëmbimeve mes dy vendeve”, shkruan Rama në Facebook.

Takimi vjen në kuadër të vizitës së kryeministrit shqiptar në Japoni dhe synon forcimin e lidhjeve politike, ekonomike dhe kulturore mes dy vendeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.