Kryeministri Edi Rama zhvilloi një takim pune në “Vilën 30” në Tiranë, me kryetarin e Kuvendit, Niko Peleshi, si dhe me kryetarët socialistë të komisioneve të përhershme parlamentare.

I pranishëm në takim ishte edhe Ministri i Shtetit për Marrëdhëniet me Parlamentin, Toni Gogu.

Në fokus të mbledhjes ishte mesazhi i kryeministrit Rama për të koordinuar socialistët me prioritetet kryesore të punës së këtyre komisioneve.

Pas miratimit të kryetarëve dhe anëtarëve të 11 komisioneve parlamentare, ato do të nisin zyrtarisht punë e tyre javën e ardhshme.

Me ndryshimin e rregullores së Kuvendit lidhur me komisionet e përhershme, 7 prej tyre drejtohen nga mazhoranca dhe 4 nga opozita.

Komisionet e drejtuara nga mazhoranca

• Komisioni për Ekonominë, Punësimin dhe Financat, Kryetar Milva Ekonomi 
• Komisioni për Çështjet Ligjore dhe Administratën Publike, Kryetar Ulsi Manja 
• Komisioni për Çështjet e Brendshme dhe të Mbrojtjes, Kryetar Bledar Çuçi 
• Komisioni për Burimet Natyrore, Infrastrukturën dhe Zhvillimin e Qëndrueshëm, Kryetar Anila Denaj 
• Komisioni për Bujqësinë, Ushqimin dhe Zhvillimin Rural, Kryetar Blendi Klosi 
• Komisioni për Evropën dhe Punët e Jashtme, Kryetar Igli Hasani 
• Komisioni për Nismat Qytetare, Bashkëpunimin dhe Mbikëqyrjen Institucionale, Kryetar Fatmir Xhafaj 

/rtsh.al/