Reshjet e dëborës, vështirësi në qarkullimin e mjeteve në Qafën e Skërficës

Aktualitet | 10 muaj më parë

Rënia e ndjeshme e temperaturave ka krijuar probleme në zonën e Rrëzomës, në Delvinë. Si pasojë e reshjeve të dëborës, në Qafën e Skërficës janë shënuar vështirësi në lëvizjen e mjeteve.

Në terren ndodhen forcat e Policisë, të cilat po drejtojnë qarkullimin e automjeteve në aksin me drejtim tunelin Delvinë–Kardhiq. Sipas informacioneve të siguruara nga RTSH, një borëpastruese është angazhuar për pastrimin dhe hapjen e rrugës.

Ndërkohë, Policia e Sarandës bën me dije se, për shkak të bllokimit të rrugës së Kardhiqit dhe pamundësisë së lëvizjes së mjeteve, është vendosur të mos lejohet kalimi i automjeteve edhe nga drejtimi tjetër.

Autoritetet po monitorojnë nga afër situatën edhe në Qafën e Muzinës, ndërsa u bëhet thirrje drejtuesve të mjeteve të tregojnë kujdes dhe të ndjekin udhëzimet e policisë.

/rtsh.al/

delvine

ngrica

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.