Reshjet e shiut përmbytin rrugët e lagjeve në Durrës, vështirësi për këmbësorët dhe drejtuesit

Aktualitet | 8 muaj më parë

Reshjet e mëngjesit të sotëm kanë shkaktuar probleme në disa lagje të Durrësit, ku rrugët përmbyten sistematikisht sa herë ka shi me intensitet.

Situata më problematike u paraqit në lagjen nr. 18 dhe nr. 16, ku uji i grumbulluar i bëri rrugët pothuajse të pakalueshme për këmbësorët, veçanërisht për nxënësit që i drejtoheshin shkollave.

Uji mbuloi pjesërisht korsitë e qarkullimit, duke detyruar drejtuesit e mjeteve të lëviznin me shpejtësi të reduktuar për të shmangur defektet teknike apo aksidentet e mundshme.

Aktualisht, situata është normalizuar dhe uji është larguar nga rrugët e përmbytura.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.