Rooney flet për betejën kundër alkoolit: Pa gruan time, do të isha i vdekur

Futboll Bota | 1 vit më parë

Wayne Rooney zbuloi se do të kishte vdekur nga alkoolizmi pa gruan e tij, Coleen, me të cilën është bashkë që kur ishin adoleshentë. Ish-kapiteni i Anglisë foli sinqerisht për betejën e tij të vështirë me alkoolin, duke shpjeguar se si mbështetja e partneres së tij ishte thelbësore.

Të dy, të martuar që nga viti 2008, kanë duruar ulje-ngritje, skandale dhe kohë të vështira, por gjithmonë kanë mbetur të bashkuar.

“Sinqerisht besoj se do të isha i vdekur pa të”, tha Rooney në një podcast të organizuar nga ish-mbrojtësi i Manchester United, Rio Ferdinand.

“Ajo nuk më kontrolloi kurrë”, tha ish-lojtari i kombëtares angleze për gruan e tij, “por më ndihmoi të kontrolloja veten. Ajo është personi më i mirë që mund të kisha takuar. Nuk dija si ta përballoja presionin; ndihesha sikur po i zhgënjeja të gjithë. Alkooli ishte shpëtimi im.”

Wayne Rooney

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.