Ruiz dhe Hakimi shtangin Arsenalin, PSG në finale me Interin

Futboll Bota | 1 vit më parë

Inter-PSG do të jetë finalja e Champions League 2024/2025. Pas fitores së ngushtë në Londër, skuadra e Luis Enrique mundi 2-1 Arsenalin në ndeshjen e kthimit të mërkurën në mbrëmje dhe rezervoi vendin në aktin final të turneut të planifikuar për 31 maj në Mynih.

Në Parc des Princes në pjesën e parë, Donnarumma shpëtoi parisienët me dy pritje të shkëlqyera, ndërsa një gjuajtje me këmbën e djathtë nga Kvaratskhelia goditi shtyllën dhe Ruiz (27′) zhbllokoi sfidën me një goditje të fuqishme.

Në pjesën e dytë Raya priti një penallti të gjuajtur nga Vitinha (69’), ndërsa Hakimi (72’) dyfishoi rezultatin. Goli i Saka (76’) nuk u mjaftoi anglezëve për ta rikthyer ndeshjen në rrugën e duhur, ndërsa nuk mungoi dhe një tjetër pritje nga Gigio.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.