Samiti i Komunitetit Politik Europian, Rama: Ditë historike e Europës në Shqipëri

Politikë | 1 vit më parë

Shqipëria mikpriti të premten (16 maj) Samitin e VI të Komunitetit Politik Europian. Samiti mblodhi në Tiranë kryetarë shtetesh dhe qeverish nga 47 vende europiane.

Kryeministri Edi Rama ka ndarë në rrjetet sociale disa nga momentet kryesore nga ky samit duke nisur nga pritja e liderëve europianë në tapetin e kuq dhe firmosja prej tyre e logos së këtij samiti të vendosur në hyrje të sallës ku mbajti punimet ky forum.

“Me krenarinë e një dite historike të Europës në Shqipëri”, shkruan kryeministri krahas pamjeve.

Tema e takimit në Tiranë, i cili u mbajt për herë të parë në Ballkanin Perëndimor, ishte “Europa e re në një botë të re: unitet – bashkëpunim – aksion i përbashkët“. Përveç shteteve anëtare të BE-së, samitit iu drejtuan edhe zyrtarët më të lartë të shtetit nga Mbretëria e Bashkuar, Norvegjia dhe Turqia.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.