Një konflikt mes dy shitësve të biletave për anijet turistike është regjistruar sot në zonën e Skelës në Vlorë.

Sipas të dhënave paraprake, dy personat që ushtrojnë aktivitetin e shitjes së biletave për turet turistike me anije janë përplasur fizikisht me njëri-tjetrin.

Gjatë sherrit, E.G. dyshohet se ka goditur me thikë shitësin tjetër, Dh. Tho, duke e plagosur.

I dëmtuari u transportua menjëherë në Spitalin e Vlorës, ku pas marrjes së ndihmës mjekësore u konstatua se plaga ishte sipërfaqësore dhe ai ndodhet jashtë rrezikut për jetën.

Sipas burimeve nga RTSH, konflikti ka ndodhur tek dera e portit të Vlorës dhe dy burrat ishin konfliktuar edhe më herët për çështje të biletave. Mësohet se nga e njëjta thikë kanë mbetur të lënduar të dy personat e përfshirë.

Policia ka nisur hetimet për zbardhjen e plotë të rrethanave dhe dokumentimin e ngjarjes.

/rtsh.al/