Një shpërthim me lëndë plasëse ka ndodhur orët e para të mëngjesit të sotëm (19 dhjetor) në Selitë të Vogël.

Sipas informacioneve paraprake nga policia bëhet me dije se lënda plasëse është vendosur në automjetin në pronësi të 39-vjeçarit D.J., i cili ka qenë i parkuar në oborrin e banesës së tij.

Si pasojë e shpërthimit, fatmirësisht nuk ka patur persona të lënduar, por vetëm dëme materiale.

Ndërkaq, grupi hetimor është në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve.

“Tiranë/Informacion paraprak

Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale.

Grupi hetimor është në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve”, thuhet në njoftim.