Shqipëria U-15 mundet nga Maqedonia e Veriut

Kombëtarja | 1 vit më parë

Kombëtarja shqiptare U-15 zhvilloi pasditen e sotme ndeshjen e parë miqësore ndaj Maqedonisë së Veriut U-15. Takimi i luajtur në stadiumin “SRC Biljanini Izvori” në Ohër, u mbyll me fitoren 2-0 të skuadrës vendase.

Trajneri Armand Dama e nisi ndeshjen me këtë formacion titullar: Marsid Hoxha (GK), Aendi Cekrezi, Joart Mile, Rian Nezaj, Alesio Gjergji, Rajan Dybeli, Fabio Hyseni, Sebastian Sina, Haxhi Rrena (C), Klevis Basha, Mattia Xhemali.

Ndeshja nisi me ritëm të mirë nga të dyja ekipet, të cilat krijuan disa raste për shënim, por pa arritur të konkretizojnë në pjesën e parë.

Në fillim të pjesës së dytë, Maqedonia e Veriut kaloi në avantazh me golin e Stefan Ristic. Në minutën e 55-të, Luka Spiroski realizoi edhe golin e dytë, duke vulosur fitoren 2-0 për vendasit.

Ndeshja e dytë miqësore, Shqipëri U-15 – Maqedonia e Veriut U-15, do të luhet më 24 qershor, në orën 11:00, në stadiumin “Skënderbeu” në Korçë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.