Dy ura u shembën brenda pak orësh në Rusi , duke shkaktuar daljen nga shinat e dy trenave dhe duke ngritur alarmin tek autoritetet.

Pas shembjes së urës në rajonin e Bryansk që vrau të paktën shtatë persona dhe plagosi 70 të tjerë, një tjetër urë hekurudhore është shembur, këtë herë në Kursk.

Pas këtyre dy incidenteve të ndodhur brenda pak orëve, Moska “sheh” sabotimin ukrainas

Sipas Khinstein, treni “ra në rrugën që kalon nën urë” dhe “mori flakë”. Shoferët e tij u plagosën dhe u dërguan në spital, shtoi ai.

Vetëm një orë më parë, një urë në Bryansk u shemb mbi shinat e trenit dhe shkaktoi daljen e një treni nga shinat, duke vrarë të paktën shtatë persona dhe duke plagosur 70 të tjerë.

“Për shkak të shembjes së një ure mbi shinat hekurudhore, për fat të keq kemi shtatë të vdekur” dhe “shtatëdhjetë viktima, përfshirë dy fëmijë, u dërguan në qendrat mjekësore në rajonin e Bryansk”, ndërsa “dy nga të plagosurit, përfshirë një fëmijë, janë në gjendje të rëndë”, njoftoi guvernatori rajonal Alexander Bogomaz në një mesazh në Telegram.

Guvernatori në detyrë i rajonit, Alexander Bogomaz, thuhet se fajësoi shembjen e urës për një shpërthim, duke thënë se ajo ishte “hedhur në erë”.

Andrei Klishas, një anëtar i lartë i Këshillit të Federatës, dhoma e sipërme e parlamentit të Rusisë, tha se incidenti në Bryansk tregoi se “Ukraina ka humbur prej kohësh atributet e një shteti dhe është shndërruar në një enklavë terroriste”.

/rtsh.al/