Shtutgart refuzon 60 mln euro për Woltemade, menaxheri i lojtarit akuzon klubin

Gjermani | 1 vit më parë

Bayern i Mynihut nuk ka hequr dorë nga Woltemade, pasi ditën e sotme i ka bërë edhe një ofertë të tretë të përmirësuar ekipit të Shtutgart. Kësaj here shoqëria bavareze ka ofruar 60 milionë euro për kartonin e 23-vjeçarit si dhe një përqindje në rast të shitjes së tij në vitet në vazhdim.

Oferta është refuzuar menjëherë nga drejtuesit e Shtutgart, të cilët duan të paktën 75 milionë euro për të lënë të lirë Nick Woltemade-n. “Kërkesa e Shtutgart nuk është e arsyeshme pasi po flasim për një lojtar, i cili i është bashkuar klubit me parametra zero si dhe nuk është mes më të paguarve në ekip”, tha menaxheri i talentit, Danny Bachmann për DPA.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.