Skënderbeu firmos me një grek, Lagonidis i bashkohet skuadrës së trajnerit Ahmataj

Abissnet Superiore | 3 muaj më parë

Përforcimi i radhës për Skënderbeun vjen nga Greqia fqinje. Giorgios Lagonidis është zyrtarisht lojtari më i ri i korçarëve, të cilët fuqizojnë qendrën e mbrojtjes.

“Giorgios Lagonidis, zyrtarisht bardhekuq. Qendërmbrojtësi 24-vjeçar vjen me eksperiencë nga futbolli grek, ku ka qenë pjesë e Volos NFC dhe Paok B”, – shkruan klubi korçar në njoftimin për afrimin e fundit, pa dhënë detaje në lidhje me kontratën e tij.

Bie në sy fakti se ashtu si në afrimet e mëparshme të Skënderbeut në merkaton e verës, kemi të bëjmë me një futbollist të ri në moshë. Është një strategji e njohur e korçarëve kjo prej vitesh.

Trajneri Julian Ahmataj ka tashmë një skuadër më të kompletuar, por me siguri klubi do të bëjë të tjera lëvizje në hyrje para se të fillojë kampionati i ri.

Lagonidis

skenderbeu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.