Skënderbeu-Laçi në RTSH, Ahmataj: Një ndeshje me dy fytyra

Abissnet Superiore | 55 minuta më parë

Trajneri i Skënderbeut, Juljan Ahmataj ka folur për RTSH pas barazimit 1-1 përballë Laçit në Korçë.

“Ishte një ndeshje me dy fytyra, në pjesën e parë ishim shumë mirë, goditëm atje ku kishim menduar. Mungesa e Dramesë dhe largimi i Bismark për arsye dëmtimi, mendoj që e vuajtëm. Lojtari që hyri nuk u ambientua me skuadrën dhe atë që duhet të bënte në fushë.

Edhe kundërshtari ka merita në futboll. Ndodhin këto situata në futboll, kur është një grup i ri. Duhen disa lojtarë lider që të orientojnë lojën nga brenda. Mundohemi që gjithmonë ti qëndrojmë afër skuadrës, deri sa lojtarët ta bëjnë këtë gjë në fushën e lojës.

Ne gjithmonë kemi 5 lojtarë të huaj në fushë, kjo ndikon në komunikimin mes lojtarëve. Do mundohemi ta rikuperojmë”, tha mes të tjerash Ahmataj.

Ahmataj

RTSH

Skënderbeu-Laçi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.