Spektakël zikaltër, Interi shkatërron Torinon

Futboll Bota | 1 vit më parë

Interi mundi Torinon 5-0 në javën e parë të sezonit 2025/26 të Serie A, duke iu përgjigjur me forcë fitoreve të Juventusit, Napolit dhe Romës. Zikaltërit dominuan nga fillimi deri në fund kundër ekipit të Baronit, duke zhbllokuar sfidën pas 18 minutash me një gol me kokë të Bastonit, dhe më pas duke dyfishuar epërsinë në fund të pjesës së parë me një goditje të bukur me të djathtën nga Thuram.

Në pjesën e dytë, Torino u shthur plotësisht dhe zikaltërit festuan me golat e Lautaro, përsëri Thuram dhe Bonny. Chivu shënoi një debutim të shkëlqyer me pesë gola, duke u dërguar një mesazh të qartë rivalëve të tij për titull.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.